Kryeministri Edi Rama e ka cilësuar marrëveshjen për pensionet me Italinë si një nga dy marrëveshjet më të vështira për t’u arritur. Në një reagim në Facebook, ai falënderoi kryeministren italiane Giorgia Meloni, duke theksuar se pa mbështetjen e saj, kjo marrëveshje nuk do të ishte finalizuar.
“Sot jam vërtetë i lehtësuar nga mbyllja më në fund e procesit të gjatë burokratik të miratimit të ligjit të pensioneve për shqiptarët e Italisë. Hallall dhe vicklat, talljet, përqeshjet, jo ishte lojë, jo ishte tallje, jo e paç haram etj…. rëndësi ka që tanimë mundi dhe sakrificat e shqiptarëve do njihen njësoj si për italianët, pa asnjë dallim,” u shpreh Rama.
Ai u shpreh se tashmë fokusi është tek Greqia, ku synohet një marrëveshje e ngjashme për pensionet e shqiptarëve që jetojnë dhe punojnë atje, si dhe heqja e ligjit të luftës mes dy vendeve.
