Sali Berisha u përpoq sërish të mbrojë procesin e primareve në PD, edhe pse ende nuk e ka sqaruar formulën se si do të përfshihen fituesit e primareve në listën për deputetë. Në një takim me demokratët në Durrës, ai tha se anëtarësia votoi për kandidatët për deputetë, por shtoi se janë edhe disa kritere të tjera që do të përcaktojnë përzgjedhjen e tyre.
Kreu demokrat bëri një thirrje edhe për votuesit në Durrës, duke i apeluar që të votojnë me bindje dhe jo të ndikohen nga bandat.
“Çdo njeri që do ndërhyjë në procesin elektoral në Durrës do të marrë ndëshkim shembullor. Qytetarët e Durrësit duhet të votojnë si qytetarë mijëvjeçarë dhe jo sipas bandave të Vangjush Dakos dhe të tjerëve,” – tha Berisha.
Ai theksoi se PD hyn në këtë garë me mbështetje nga diaspora dhe me drejtuesin e fushatës së Donald Trump, Cris La Civita.
Gjatë fjalës së tij, Berisha vijoi sulmet ndaj kreut të qeverisë, Edi Rama, duke e cilësuar si “banor të parkut zoologjik” që jeton si “qyqe e vetme.”
