Sekretari i Përgjithshëm i PD, Flamur Noka, i ftuar në emisionin “Open” i pyetur se kush ia vuri emrin koalicionit “Shqipëria Madhështore”, tha se ka ardhur pas kosnultimit mes Sali Berishës dhe strategut Chris LaCivita.
“Ka patur një konsultë të gjatë të Sali Berishës me strategun e fushatës Chris LaCivita” – tha Noka.
Në fakt, për të dhënë idenë e rikthimit të tij me atë të Donald Trump, Berisha mundohet të kopjojë çdo aspekt të fushatës së presidentit të SHBA duke e përkthyer në shqip dhe jo më kot ka punësuar edhe drejtuesin e fushatës të Trump. Por jo çdo gjë e përkthyer ka kuptimin e duhur në shqip, siç edhe Shqipëria Madhështore e vendosur nga Berisha nuk ka ndonjë efekt të veçant.
Megjithatë, strategët e fushatës së PD kanë qenë pak në hall gjatë përkthimit, për faktin se slogani i Trump ishte “Bëje Amerikën përsëri të Madhe”, nëse do ta përshtasnin në shqip, më mirë do ishte “Bëje Shqipërinë përsëri të Madhe”. Por duke qenë se kjo ka konotacion gjeografik dhe nënkupton bashkimin e trojeve, Berisha është detyruar ta bëjë “Shqipëria e Madhërishme” pa emocion triumfi.
