Ajo që ndodhi në qytetin izraelit Eilat u bë e ditur vetëm pasi informacionet dolën përtej filtrit të censurës ushtarake. Ishte e pamundur të fshiheshin të gjitha vendet e goditura, pasi dëmtime janë raportuar në të paktën 10 zona të ndryshme të këtij qyteti strategjik.
Raportime për dëme ka pasur edhe në Izraelin qendror, në zonën më të gjerë të Tel Avivit. Deri tani nuk raportohet për viktima, por një person është plagosur rëndë në Eilat.
Ndërkohë, re të mëdha tymi janë parë edhe në qytetin jordanez Aqaba, që ndodhet shumë pranë Eilatit.
Sulmet e vazhdueshme po krijojnë presion të madh mbi shoqërinë izraelite. Në veri të vendit sirenat e alarmit bien çdo 30 minuta, duke e bërë gjithnjë e më të vështirë rikthimin e jetës në normalitet.
