Presidenti amerikan Donald Trump deklaroi sërish se vendet që furnizohen me naftë përmes Ngushticës së Hormuzit duhet të kujdesen për sigurinë e kësaj rruge detare strategjike.
Në një postim në rrjetin social Truth Social, Trump tha se “vendet e botës që marrin naftë përmes Ngushticës së Hormuzit duhet të kujdesen për atë kalim, dhe ne do të ndihmojmë – shumë!”.
Ai shtoi se SHBA do të koordinojë me këto vende për të siguruar që qarkullimi të vazhdojë shpejt dhe pa pengesa.
“Ky duhej të kishte qenë gjithmonë një përpjekje e përbashkët, dhe tani do të jetë e tillë – duke e afruar botën drejt harmonisë, sigurisë dhe paqes së qëndrueshme”, shkroi Trump.
