Takimi i Lionel Messi me Donald Trump në Shtëpinë e Bardhë ka ndezur një debat të fortë politik në Argjentinë dhe në rrjetet sociale.
Ylli argjentinas ishte në Uashington me ekipin e tij Inter Miami CF për ceremoninë pas fitimit të MLS Cup 2025, por momenti u kthye në polemikë kur presidenti amerikan përdori eventin për të folur për luftën me Iranin dhe ndryshimin e regjimit në Kubë.
Messi nuk komentoi publikisht për politikën dhe qëndroi në heshtje gjatë ceremonisë, por një shtrëngim duarsh me Trump u bë objekt debati në Argjentinë.
Disa kritikë e akuzuan se po afrohej me presidentin amerikan, ndërsa mbështetësit e djathtë e interpretuan takimin si një sinjal politik.
Edhe presidenti i Argjentinës, Javier Milei, reagoi në rrjetet sociale duke e përshëndetur momentin dhe duke bërë ironi ndaj së majtës politike.
Messi ka shmangur për vite me radhë përfshirjen në politikë, por kjo paraqitje në Shtëpinë e Bardhë e ka futur për herë të parë në një stuhi të fortë polemikash politike.
