Nga piramida e Tiranës, në një ceremoni me fituesit e çmimit të madh Ndërkombëtar “Karlspreis – Karli i Madh”, kreu i qeverisë Edi Rama tregoi mbështetjen ndaj presidentit të SHBA-ve, Donald Trump teksa tha se "Zoti i shpëtoi jetën Donald Trump-it jo vetëm për të bërë Amerikën të madhe sërish, por edhe për të zgjuar përfundimisht Europën dhe për t'a bërë të kuptojë se nuk mund të vazhdojë sikur bota të ishte njësoj se nuk është njësoj".
Deklarata e tij, erdhi në një diskutim ku më panel ishte Martin Schulz, ish-President i Parlamentit Europian dhe laureat i çmimit “Karlspreis”, Veronika Tsepkalo, pjesë e opozitës bjelloruse, laureate e çmimit “Karlspreis”, René van der Linden, President Nderi i Asamblesë Parlamentare të Këshillit të Europës dhe Dr. Jürgen Linden, kryetar i bordit drejtues i “International Charlemagne Prize”. Teksa i njohu vetes se është një kryeministër i një vendi të vogël, por sipas tij vendimet e këqija të një udhëheqësi sot paguhen nga brezi i ardhshëm. "Është domosdoshmëri të forcohemi ushtarakisht, por po diplomacia, korridoret e reja të dialogut, të jemi më të vendosur për mënyrën tonë të jetesës. Ne duam të jetojmë kështu dhe nuk duam t'í themi të tjerëve si duan të jetojnë. Kam një pyetje që më tmerron, Europa ka më pak miq sesa para agresionit rus në Ukrainë. Kjo është diçka që duhet kuptuar dhe të reflektojmë pse ka ndodhur kjo"-tha Rama.
