Për të gjashtën herë, pensionistët dhe qytetarët e Tiranës u mblodhën përpara Kryeministrisë në kuadër të Lëvizjes BASHKË dhe grupimit Pensionistët Bashkë. Ata kërkuan rritjen e pensioneve dhe vendosjen e minimumit jetik, duke shprehur pakënaqësinë për indiferencën e qeverisë.
Arlind Qori, kryetar i Lëvizjes BASHKË, theksoi se pas dy muajsh protestash, kërkesat e tyre nuk janë marrë parasysh, përfshirë ato për statusin e ish-minatorëve dhe ndihmën për familjet e varfra dhe personat me aftësi të kufizuara. Lëvizja BASHKË ka paralajmëruar se protesta do të vazhdojë.
