Gjykata e Posaçme e Apelit la në fuqi masën e sigurisë “arrest me burg” për biznesmenët Orest Sota dhe Orges Birçaj, të dyshuar në kuadër të dosjes “Aruba”. Për Edmond Jaupin, të kompanisë Daikin, dhe Leonard Bishajn, krahun e djathtë të Artur Shehut, u la në fuqi masa e arrestit me burg.
Në kuadër të dosjes “Aruba” janë shpallur në kërkim edhe Artur Shehu, Ardian Rama, bashkë me të vëllanë, Erjonin, nipat e Fatmir Ramës, i njohur si Miri i Xhikes, që u ekzekutua në mars të vitit 2003, Elton Memeti, Luciano Koceku, Abedin Koceku, Arben Ismailaj, Alfredo Hamzai dhe Ardian Zykaj, ndërsa në Greqi është arrestuar biznesmeni Ilir Shtufi. Grupi kriminal trafikonte kokainë dhe pastronte para.
