Një zjarr ka rënë pasditen e kësaj të hëne në katin e 11-të të një pallati në qendër të Shkodrës, duke përfshirë ambientet e një lokali dhe duke shkaktuar alarm në zonë.
Flakët janë përhapur me shpejtësi në pjesën e sipërme të ndërtesës, ndërsa era e fortë ka favorizuar përhapjen e tyre, duke vështirësuar situatën.
Në vendngjarje kanë mbërritur shërbimet zjarrfikëse, të cilat po ndërhyjnë për shuarjen e flakëve dhe vënien e situatës nën kontroll.
Sipas informacioneve paraprake, nuk raportohet për persona të lënduar, ndërsa ende nuk dihen shkaqet e zjarrit dhe përmasat e dëmeve materiale.
