Gjashtë qytetarë janë shoqëruar me forcë nga policia gjatë protestës së zhvilluar këtë të hënë para Kryeministrisë në Tiranë, ndonëse tubimi raportohet se ka qenë paqësor dhe pa incidente.
Sipas informacioneve të publikuara, qytetarët janë ndaluar nga efektivët teksa po largoheshin nga turma e protestuesve pranë godinës së Kryeministrisë.
Ata janë marrë me forcë dhe janë futur në automjetet e policisë, pavarësisht se gjatë protestës nuk janë raportuar akte dhune apo përplasje me forcat e rendit.
Ende nuk dihen arsyet e shoqërimit të gjashtë qytetarëve dhe as nëse ndaj tyre janë konstatuar shkelje ligjore.
Deri më tani nuk ka një sqarim zyrtar mbi motivet e ndërhyrjes së policisë gjatë tubimit.
