Ministrja e Administratës Publike, Adea Pirdeni, është ngatërruar gjatë fjalimit në prezantimin e reformës “Shkalla e Meritës”, në prani të Kryeministrit Edi Rama.
Gjatë aktivitetit të zhvilluar më 9 tetor, Pirdeni humbi për disa çaste rrjedhën e fjalimit, duke u përpjekur disa herë të korrigjonte veten përpara kamerave.
“Dhe në fund, më në fund për nga rada, jo në fund, nga rada, sorry”, u shpreh ajo, për të vijuar më pas: “Dhe në fund, nga rada, për mbi gjitha e para nga rëndësia, për qytetarin”.
Sipas përshkrimit të momentit, edhe Kryeministri Rama ndërhyri për ta korrigjuar.
Pirdeni, e cila më 19 tetor u emërua ministre e Administratës Publike, pas detyrës si ministre e Shtetit për Administratën Publike dhe Antikorrupsionin, ka tashmë përgjegjësinë e drejtimit të një ministrie më vete.
