Studentët janë mbledhur edhe këtë të hënë përpara Kryeministrisë, duke vijuar protestën e tyre kundër qeverisë së drejtuar nga Edi Rama.
Protestuesit kanë refuzuar sërish ftesën e kryeministrit për dialog, të përsëritur prej ditësh përmes tavolinës së gurtë të vendosur përpara godinës së qeverisë.
Në shenjë kundërshtimi, studentët kanë shkruar mbi stolin pranë tavolinës mbishkrimin “Dorëheqje!”, duke përsëritur kërkesën e tyre për largimin e Ramës nga drejtimi i qeverisë.
Të rinjtë vijojnë të këmbëngulin në kërkesat e tyre, duke refuzuar dialogun me kryeministrin për sa kohë ai mbetet në detyrë.
