Strukturat e posaçme për hetimin e krimeve zgjedhore në Drejtorinë Vendore të Policisë Kukës, në bashkëpunim me Prokurorinë e Posaçme (SPAK), kanë ushtruar kontrolle në banesat e shtetasve G.P dhe K.P., në kuadër të hetimeve për veprën penale “Korrupsioni aktiv në zgjedhje”, kryer në bashkëpunim.
Të dy shtetasit janë shpallur në kërkim dhe vijon puna për kapjen e tyre.
Ndërkohë, strukturat hetimore po punojnë për identifikimin e personave të tjerë të përfshirë në këtë veprimtari të paligjshme, ku dyshohet se janë dhënë vlera monetare për të ndikuar votën në favor të një subjekti politik.
Njoftimi i plotë:
Kukës
Strukturat e posaçme për hetimin e krimeve zgjedhore në Drejtorinë Vendore të Policisë Kukës në bashkëpunim të ngushtë me Prokurorinë e Posaçme Kundër Korrupsionit dhe Krimit të Organizuar (SPAK), ka ushtruar kontrolle në banesat e shtetasve G.P dhe K.P në kuadër të hetimeve për veprën penale ”Korrupsioni aktiv në zgjedhje”, kryer në bashkëpunim, parashikuar nga nenet 328 e 25 te K.Penal.
Policia e Kukësit ka shpallur në kërkim shtetasit G.P dhe K.P, dhe vijon puna intensive për kapjen e tyre.
Strukturat hetimore të DVP Kukës nën drejtimin e SPAK po punojnë intesivisht me qëllim identifikimin e shtetasve të tjerë ndaj të cilëve ka dyshime se janë dhënë vlera monetare për orientimin e votës së tyre ndaj një subjekti politik.
