Mbrëmjen djeshme anëtarët të PD në Maqellarë bllokuan dy automjete nën dyshime se disa eksponent të PS po blenin vota. Në vendngjarje mbërriti dhe policia dhe prokurori që do të vlerësojë nëse do të nis hetim për shitblerje votash.
Njëri nga automjetet e bllokuara ku u gjetën 4500 dollarë, 1 mijë paund dhe tollona karburanti, është në pronësi të biznesmenit Fiqiri Pali.
Fiqiri Pali është pronar de fakto i kompanisë “Sireta 2F”, që sot rezulton në emrin e bashkëshortes së tij. Subjekti i tij ka përfituar disa tendera publik në qarkun Dibër, si ai për “transformimin urban të Bulevardit të Peshkopisë” me vlerë 2.2 milionë euro, ndonëse kishte ofertën e 7 më të mirë nga konkurrentët e tjerë.
Gjithashtu kompania e personit në fjalë është fituese edhe e tenderit “Rehabilitimi i sheshit “Ahmet Zogu” dhe parkut “Geraldinë” në Qytetin e Burrelit” me vlerë 1 milionë euro.
Prokuroria po bënë proçedurat e nevojshme për të verifikuar që personat në fjalë kanë kanë pasur qëllim për të blerë vota. Dhe nëse rezulon kështu, do jetë rasti i parë flagrant se si taksat e qytetarëve shkojnë përmes tenderave publik tek eksponentë që i shërbejnë partisë në pushtet.
