Pas thuajse një jave kërkimesh, është gjetur trupi i pajetë i Ardit Beshirit, 29-vjeçarit që humbi jetën teksa punonte me fadromë në një minierë kromi në Qafë-Burrel, ku u zë nga një masiv dheu.
Në kërkim të të riut, i cili u zhduk në Shqipëri, morën pjesë edhe forca të Ushtrisë së Kosovës, për shkak të vështirësive që paraqiste terreni.
Familja e tij bëri thirrje çdo ditë për ndihmë, me qëllim gjetjen e trupit.
Pas ngjarjes, Policia e Dibrës arrestoi drejtuesin teknik të shoqërisë kineze të përpunimit të kromit "Hua Yi" sh.p.k., Admir Lala, nën dyshimet për akuzën “Shkelje e rregullave të mbrojtjes në punë”.
29-vjeçari Ardit Beshiri po punonte për sistemimin e mineralit të kromit kur ndodhi shembja që i mori jetën.
