Është ekstraduar nga Italia drejt Shqipërisë shtetasi Davide Pecorelli, i cili u mor në dorëzim këtë të enjte në aeroportin e Rinasit nga Forcat Operacionale të Drejtorisë së Përgjithshme të Burgjeve.
Pecorelli po dërgohet në Institucionin e Ekzekutimeve të Veprave Penale, pasi ndaj tij është caktuar masa e sigurisë “arrest në burg”, sipas vendimit të Gjykatës së Rrethit Gjyqësor Pukë.
Ai është i dyshuar për disa vepra penale, përfshirë “Mashtrimi”, “Dhunimi i varreve”, “Shkatërrimi i pronës me zjarr” dhe “Kalimi i paligjshëm i kufirit shtetëror”.
Davide Pecoreli inskenoi vdekjen dhe djegirn e tij në Pukë. Policia zbuloi eshtra në makinë dhe u ngritën dyshime se ai mund te ishte vrarë. Më vonë Pecoreli u zbulua në Itali i gjallë.
Procesi i ekstradimit vjen pas bashkëpunimit mes autoriteteve shqiptare dhe atyre italiane, për zbardhjen e çështjeve të hapura ndaj tij në vendin tonë.
