Gjykata e Posaçme vendosi të shtyjë për më 3 nëntor procesin ndaj kryetarit të Bashkisë së Tiranës, Erion Veliaj, dhe të bashkëpandehurve.
Në sallë nuk ishte i pranishëm asnjë nga avokatët e zgjedhur nga të pandehurit dhe as avokatët e listës së ndihmës juridike falas, të caktuar nga GJKKO në seancën e kaluar për të mbrojtur Veliajn.
Kryebashkiaku, përmes një deklarate, kërkonte që të mbrohej veç nga avokati i tij, Plarent Ndreca.
Trupa gjykuese nuk aplikoi gjoba për avokatët, duke e arsyetuar me faktin se është vënë në dijeni të një padie në Apelin Administrativ nga Shoqata e Avokatëve Anti-korrupsion për shfuqizimin e vendimit të DHKA-së për bojkot.
Avokatët kanë bojkotuar seancat në shenjë revolte ndaj rregullores së Gjykatës.
