Bordi i Transparencës ka miratuar çmimet e reja të karburanteve në vend, duke vendosur rritjen e çmimit të naftës në 216 lekë për litër, ndërsa benzina do të tregtohet me një çmim maksimal prej 172 lekësh për litër.
Sipas vendimit të marrë këtë të mërkurë, më 4 nëntor, çmimi maksimal i shitjes me shumicë për naftën është përcaktuar në 204 lekë për litër, ndërsa për benzinën në 160 lekë për litër.
Çmimet e reja do të hyjnë në fuqi në orën 14:00 të ditës së sotme dhe do të mbeten të vlefshme deri në mbledhjen e ardhshme të Bordit të Transparencës.
