Përtej përpjekjes së Sali Berishës për të ndalur revoltën brenda partisë ndajt, duke mos lejuar asnjë kandidat përballë tij, kjo gjë mesa duket nuk ka vlejtur.
Pakënaqësia e tyre dhe ndërgjegjësimi i tyre për pamundësinë e ardhjes në pushtet mesa duket po sjell revoltë në zgjedhjet e kësaj të shtune.
Teksa janë bërë dy orë nga nisja e këtij procesi, kundërshtinë e tyre demokratët kanë filluar t’a shprehin në fletën e votimit.
Ervin Salianji në rrjetin social Facebook ka publikuar disa fletë votimi ku krahas emrit të Sali Berishës është shënuar me dorë dhe emri i tij. Teksa falenderon të gjithë demokratët, Salinji thotë se ky reagim tregon që partia nuk është pronë private e askujt
Postimi i plotë:
Falenderim dhe mirënjohje për çdo demokrat që sot ka zgjedhur të shënojë qartësisht preferencën e tij.
Po më vijnë qindra mesazhe dhe foto nga demokratë që, përmes votës, shkrimit të emrit apo refuzimit të farsës, po tregojnë se Partia Demokratike nuk është pronë personale. Ju jam mirënjohës secilit nga Shkodra në Korçë, Vlore, Kukës, Fier, Dibër, Elbasan, Gjirokastër, Berat, Lezhe, Durres e Tiranë. Nga çdo degë po vërshojnë reagimet dhe fotot e fletes se votimit!
Falenderim edhe për mijëra demokratë të tjerë që e kanë braktisur dhe përbuzur farsën e uzurpimit të Partisë Demokratike për interesa personale.
Kur gara vritet, kur alternativa përjashtohet dhe kur vula përdoret për të mbajtur peng opozitën, demokratët dinë të reagojnë me dinjitet.
Këto mesazhe janë më shumë se mbështetje personale. Janë një refuzim i frikës, i imponimit dhe i shndërrimit të PD-së në një strehë për interesa personale!
Ne nuk dorëzohemi.
Do ta çmontojmë këtë farsë me kurajo, me demokratë të lirë dhe me besimin se Partia Demokratike do t’u kthehet anëtarëve dhe qytetarëve.
