Erion Braçe ka zgjedhur të reagojë ndaj artikullit të VNA-së për mbledhjen me dyer të mbyllura të grupit parlamentar të PS-së. Është e drejta e tij. Po aq e drejta jonë është t’i qëndrojmë raportimit dhe burimeve mbi të cilat ai është ndërtuar.
Në statusin e tij, zoti Braçe pranon se mbledhjet regjistrohen. Kjo e bën zgjidhjen shumë të thjeshtë: le ta publikojë audion. Nëse ne kemi gabuar, do ta pranojmë publikisht. Nëse jo, edhe opinioni publik do të kuptojë pse mbledhjet vazhdojnë të zhvillohen me dyer të mbyllura.
Madje do të ishte edhe më mirë nëse vetë deputeti do të kërkonte që mbledhjet e grupit parlamentar të mos ishin sekrete. Transparenca është ilaçi më i mirë kundër “transformimeve” që ai pretendon.
Deri atëherë, ne do të vazhdojmë të bëjmë punën tonë: të raportojmë atë që ndodh, edhe kur dikujt nuk i pëlqen.
Dhe, në fund, një falënderim për zotin Braçe. Duke e postuar vetë artikullin e VNA-së në profilin e tij, na dhuroi reklamën më të mirë të mundshme. Rrallë ndodh që një personazh publik të investojë kaq shumë energji për t’i sjellë më shumë lexues një mediaje që kritikon. Për këtë, vërtet, faleminderit.
Linku i raportmit të mbrëmshëm të VNA:
Statusi i deputetit Braçe në fb:
