Njëmbëdhjetë protestues kanë mbetur të plagosur gjatë përplasjeve të kësaj të shtune, në protestën kombëtare të thirrur nga studentët në Tiranë.
Sipas informacioneve të siguruara nga VNA, pjesa më e madhe e të lënduarve kanë marrë plagë nga plumbat e gomës në pjesë të ndryshme të trupit.
Rasti më i rëndë raportohet të jetë ai i Erjon Vishkullit, 28 vjeç, i cili ka pësuar dëmtim në sy. Ai është transportuar drejt Spitalit Ushtarak me një automjet të Report TV, për të marrë ndihmë mjekësore.
