Me sytë nga drejtësia
Kryebashkiaku i Tiranës, Erion Veliaj, i cili po hetohet nga SPAK për korrupsion dhe pastrim parash, dhe Ervin Salianji, ish-deputet i Partisë Demokratike i dënuar me 1 vit burg për kallëzim të rremë në dosjen “Babale”, i kanë sytë sot nga drejtësia. Veliaj shpreson në një zbutje të masës së sigurisë dhe rikthim në zyrën e tij të punës në Bashkinë e Tiranës.
Ndërsa Salianji këmbëngul për drejtësi dhe, siç pretendon, i qëndron denoncimit që bëri për Geron Xhafajn, vëllain e ish-ministrit të Brendshëm Fatmir Xhafaj, për përfshirje në trafik droge.
Për të dy, dita e sotme do të jetë vendimtare për fatin e tyre, jo vetëm penal, por edhe politik.
