Presidenti amerikan Donald Trump ka reaguar ashpër ndaj Princit Harry dhe Meghan Markle, pas largimit të tyre nga Shtetet e Bashkuara dhe kthimit në Britani.
I pyetur nga gazetarët për çiftin, Trump deklaroi se ishte “i lumtur” që ata ishin larguar, duke lënë të kuptohet se nuk do t’i mirëpriste përsëri në SHBA.
“Unë nuk kam qenë një admirues i tyre. Kisha një marrëdhënie shumë të mirë me Mbretëreshën Elizabeth dhe me Mbretin Charles. E kam njohur prej kohësh dhe ai është një person i mrekullueshëm”, u shpreh presidenti amerikan.
Trump akuzoi Harry-n dhe Meghan-in se kanë treguar mungesë respekti ndaj familjes mbretërore britanike.
“Mendoj se ata u treguan shumë të parespektshëm ndaj familjes mbretërore. Nuk më pëlqeu mënyra se si vepruan. Ishte mungesë respekti ndaj mbretëreshës dhe mbretit”, deklaroi ai.
Në përfundim, presidenti amerikan shtoi se, nëse vendimi do të varej prej tij, çifti nuk do të pranohej përsëri në familjen mbretërore.
“Ndoshta unë jam ndryshe, por, sinqerisht, nëse do të isha familja mbretërore, nuk do t’i pranoja më”, përfundoi Trump.
