Kryetari i Parlamentit iranian, Mohammad Bagher Qalibaf, ka deklaruar se Shtetet e Bashkuara duhet të përmbushin angazhimet e tyre të përcaktuara në memorandumin e mirëkuptimit të Islamabadit, përpara se Teherani të ndërmarrë hapa për rihapjen e Ngushticës së Hormuzit.
Qalibaf theksoi se Irani nuk e përjashton rrugën diplomatike, por e konsideron atë pjesë të përballjes më të gjerë me SHBA-në dhe Izraelin.
Sipas tij, memorandumi i nënshkruar më 18 qershor, pas ndërmjetësimit të Pakistanit dhe Katarit, parashikon ndërprerjen e armiqësive, lundrimin në Ngushticën e Hormuzit dhe vijimin e negociatave mes Iranit dhe Shteteve të Bashkuara.
Deklaratat e Qalibaf vijnë në një moment kur rihapja e Ngushticës së Hormuzit, një prej rrugëve detare më strategjike, mbetet e kushtëzuar nga zbatimi i angazhimeve të parashikuara në marrëveshje.
