Situata në Tiranë po precipiton nga minuta në minutë, ndërsa përplasjet mes protestuesve dhe policisë po përhapen në disa zona të qendrës së kryeqytetit.
Flakët kanë përfshirë hyrjen e ish-Hotel Dajtit dhe Gjykatën e Lartë, ndërsa forcat speciale janë përqendruar pranë Kryeministrisë. Situata duket thuajse jashtë kontrollit, teksa tensionet vijojnë të përshkallëzohen.
Pas djegies së automjeteve, hedhjes së molotovëve dhe ndërhyrjeve të policisë me gaz lotsjellës e ujë me presion, dita e pestë e protestave po shënon një tjetër përshkallëzim të rëndë. Ende nuk ka një bilanc të konfirmuar të dëmeve materiale apo të personave të lënduar nga incidentet e fundit.
