Ambasada e Shteteve të Bashkuara të Amerikës në Tiranë ka reaguar për herë të parë drejtpërdrejt lidhur me protestat dhe tensionet e ditëve të fundit në kryeqytet. Përmes një deklarate zyrtare, përfaqësia diplomatike amerikane dënon aktet e dhunës dhe dëmtimin e pronës, ndërsa u bën thirrje të gjitha palëve për vetëpërmbajtje dhe protesta paqësore.
Citimi i plotë i Ambasadës së SHBA-së:
> "Dhuna, trazirat, lëndimi fizik i të tjerëve dhe shkatërrimi i pronës nuk janë angazhim qytetar. U bëjmë thirrje të gjithë qytetarëve që zgjedhin të demonstrojnë ta ushtrojnë të drejtën e tyre për protestë në mënyrë paqësore, pa akte të dhunshme. U bëjmë thirrje të gjitha palëve për vetëpërmbajtje dhe qetësi."
