Seanca plenare e kësaj të enjteje në Kuvendin e Shqipërisë është shoqëruar me tensione dhe përplasje mes deputetëve të mazhorancës dhe opozitës, duke çuar në ndërprerjen e punimeve.
Incidenti ndodhi gjatë kohës që kreu i Grupit Parlamentar të Partisë Socialiste, Taulant Balla, po fliste në sallë. Deputeti demokrat Flamur Noka iu afrua dhe i hoqi mikrofonin, duke ndërprerë fjalën e tij.
Pas këtij veprimi dhe debateve të ashpra mes deputetëve, kryetari i Kuvendit, Niko Peleshi, njoftoi ndërprerjen për pak minuta seancën plenare.
Seanca u rikthy sërish në punim, ndërsa mazhoranca anuloi debatet dhe kaloi direkt në miratimin e projekligjeve që janë në rend dite.
Situata vijon të mbetet e tensionuar, ku deputetët e PD dhe PS përplasen herë pas here me njëri-tjetrin.
