Protestat e të rinjve janë shoqëruar me tensione edhe në Korçë, ku policia ka shoqëruar 13 persona pas përplasjeve të regjistruara gjatë tubimit të kësaj të premteje. Pavarësisht ndërhyrjes së forcave të rendit për shpërndarjen e tyre, protestuesit janë rigrupuar dhe kanë vijuar marshimin në rrugët e qytetit.
Situata është tensionuar gjatë përballjes mes pjesëmarrësve në protestë dhe efektivëve të policisë, të cilët kanë ndërhyrë për të shpërndarë grumbullimin. Megjithatë, ndërhyrja nuk i ka dhënë fund tubimit, pasi të rinjtë janë rikthyer në rrugë për të vijuar protestën.
