Gjykata e Tiranës ka caktuar masat e sigurisë për protestuesit e arrestuar pas tubimit të 13 tetorit, të zhvilluar përpara Ministrisë së Arsimit në kryeqytet.
Sipas vendimit të gjykatës, për Abdulla Thaçin është caktuar masa e sigurisë “arrest në burg”, ndërsa gjashtë protestues të tjerë janë lënë në “arrest shtëpie”.
Në arrest shtëpie janë vendosur Kalosh Hysbajrami, Korado Aliaj, Ali Bruçi, Klevin Metaj, Erand Zenunllari dhe Xheison Patoku.
Ndërkohë, gjykata ka vendosur masën e sigurisë “detyrim për paraqitje” për Brixhet Balin, Ernest Kapon, Donik Vatgjonin, Iljaz Sulën, Besnik Kalën, Kastriot Vatën, Florjan Babën, Genc Ibrahimin, Hamza Bushin, Olsi Voklin dhe Blerim Gjokën.
Vendimet vijnë pas protestës së 13 tetorit përpara Ministrisë së Arsimit, e cila u shoqërua me tensione dhe ndërhyrje të forcave të policisë.
Masat e sigurisë janë vendime procedurale që merren gjatë hetimit dhe nuk përbëjnë shpallje fajësie për personat ndaj të cilëve janë caktuar.
