Gjyqtarët Luigi Nasca, Rodolfo Di Vuolo dhe Daniele Paterna janë vënë nën hetim së bashku me Gianluca Rocchini dhe Andrea Gervasonin. Sipas raportimeve nga Italia, numri i personave të përfshirë në skandalin e fundit në futbollin italian mund të rritet ndjeshëm në orët në vijim.
Burime italiane, përfshirë gazetën La Gazzetta dello Sport, raportojnë se tre gjyqtarë janë vënë nën hetim pasi më parë ishin përfshirë edhe Rocchini, si përgjegjës për caktimin e gjyqtarëve dhe mbikëqyrjen e sistemit të Video Asistencës (VAR). Sipas raportimeve, Nasca, Di Vuolo dhe Paterna dyshohen se kanë dhënë informacione të rreme te prokuroria.
Paterna është paraqitur në një foto ku pretendon se një person jashtë dhomës së VAR-it i drejtonte zyrtarët se çfarë të thoshin gjyqtarit në fushë, duke shkelur hapur protokollin. Hetuesit besojnë se zyrtarët e VAR-it janë ndikuar nga persona jashtë dhomës së kontrollit, që përmes mesazheve të koduara mund të minonin pavarësinë dhe saktësinë e vendimmarrjes së tyre.
Sipas gazetës Gazetta, numri i personave nën hetim mund të rritet në të ardhmen e afërt. Prokuroria në Milano do të marrë në pyetje Rocchinin dhe Gervasonin më 30 prill. Avokati i Rocchit, Antonio D’Avirro, ka dhënë intervista për mediet italiane dhe shprehet se klienti i tij po përballet me padrejtësi.
“E kam takuar dhe ai është i demoralizuar, sepse beson se është viktimë e një padrejtësie,” tha D’Avirro për gazetën Pressing. “Ai i konsideron të gjitha akuzat të pabazuara. Ai gjithmonë ka vepruar me besnikëri dhe transparencë dhe është shumë i shqetësuar që akuzohet për diçka kaq serioze,” shtoi ai fillimisht. “Nuk e di nëse do të rikthehet, por sigurisht do të jemi në gjendje të mbrohemi në mënyrë efektive. Aktualisht po vlerësojmë strategjitë mbrojtëse që do të ndjekim deri të enjten,” shtoi ai.
Rocchi ka pezulluar veten nga detyra ndërkohë që është në hetim për pjesëmarrje në mashtrim sportiv. “Përmenden edhe persona të tjerë, por nuk e dimë kush janë,” shtoi D’Avirro për Sport Mediaset. “Bëhet fjalë për një vepër me shumë persona të përfshirë, por vetëm Rocchi është përmendur në njoftimin për hetim,” vazhdoi avokati. “Kjo është një çështje tjetër nga Calciopoli; atëherë ishin të përfshirë qindra persona rreth klubeve, ndërsa këtu kemi të bëjmë vetëm me dy ose tre individë,” përfundoi ai.
