Një aksident rrugor është regjistruar sot në aksin Llogara-Vlorë, në zonën e Fushë Dukatit.
Sipas të dhënave paraprake, një automjet tip Audi me targa AB193PR, i drejtuar nga shtetasi E.C., rreth 22 vjeç, ka humbur kontrollin e mjetit dhe është përplasur me barrierat metalike anësore të rrugës. Si pasojë e përplasjes së fortë, një pjesë e strukturës mbrojtëse ka depërtuar në automjet, duke shkaktuar dëmtime të konsiderueshme materiale.
Drejtuesi i mjetit është transportuar menjëherë me autoambulancë drejt Spitalit Rajonal të Vlorës, ku ndodhet nën kujdesin e mjekëve dhe jashtë rrezikut për jetën.
Sipas informacioneve paraprake, dyshohet se shkak i aksidentit ka qenë shpejtësia e lartë, ndërsa autoritetet po vijojnë hetimet për të sqaruar plotësisht rrethanat e ngjarjes.
