Tirana ka triumfuar në derbin e kryeqytetit përballë Partizanit me rezultatin 2-1.
Tirana ka fituar me përmbysje 2-1 ndaj Partizanit, në derbin e kryeqytetit të luajtur në “Air Albania”. Të kuqtë realizuan të parët me Human, pas 23 minutash lojë.
Pjesa e dytë foli për bardheblutë, të cilët tentuan disa herë dhe barazimin e gjetën me Kresic në të 66’.
Ai që realizoi përmbysjen e madhe ishte Alvarez, i cili në minutën e 84’ realizoi një gol spektakolar nga goditja e dënimit.
Me këtë fitore, Tirana shkon në kuotën e 35 pikëve, duke u larguar nga zona e rrezikut.
