Nike ka pranuar se fanellat e reja të përgatitura për Kampionatin Botëror 2026 kanë një defekt në prodhim.
Kompania prezantoi së fundmi koleksionin që do të përdoret nga disa prej kombëtareve më të mëdha, përfshirë Francën, Anglinë, Brazilin dhe Kroacinë, të cilat sponsorizohen prej saj. Megjithatë, koleksioni i ri duket se po përballet me një problem teknik.
Sipas raportimeve, fanellat kanë një gabim në qepje që krijon një efekt të dukshëm në zonën e shpatullave. Ky defekt nuk pritet të korrigjohet në një afat të shkurtër, pasi miliona fanella janë prodhuar dhe shpërndarë tashmë në treg.
Për shkak të sfidave logjistike, Nike nuk është në gjendje t’i tërheqë produktet nga qarkullimi.
