Alessandro Bastoni duket se ka ndryshuar qëndrim sa i përket të ardhmes së tij. Interesimi i Barcelonës për mbrojtësin italian kishte tërhequr vëmendje të madhe, pasi katalanasit synojnë të përforcojnë repartin defensiv dhe e konsiderojnë atë një element kyç.
Megjithatë, situata ka marrë një tjetër drejtim. Sipas mediave italiane, Bastoni ka vendosur të refuzojë ofertën e Barcelonës dhe të vijojë karrierën te Interi.
Mbrojtësi ndihet mirënjohës ndaj klubit zikaltër për mbështetjen e dhënë në momentet më të vështira dhe gjatë gjithë viteve të tij aty. Ai gjithashtu preferon që çdo vendim për të ardhmen të merret në mënyrë të qetë, pa ushtruar presion ndaj klubit për një transferim.
