Monday, 10 August 2026
Dërgo denoncim anonim
English

EKSKLUZIVE

Më shumë
Politika 16 April 2025, 12:47 Nga VNA

Shtyhet për më 23 prill seanca ndaj Veliajt

Ndaje në Whatsapp
Shtyhet për më 23 prill seanca ndaj Veliajt

 

Seanca gjyqësore ndaj kryebashkiakut të Tiranës, Erion Veliaj, është shtyrë për në datën 23 prill.

Prokurori Olsi Dado ka paraqitur veprimet hetimore të kryera deri më tani, ndërsa avokatët mbrojtës kanë kërkuar kohë shtesë për t’u njohur me aktet e dosjes.

Më herët, Marisa Nito përfundoi dëshminë në SPAK, në seancën gjyqësore në GJKKO mori pjesë edhe bashkëshorti i saj, biznesmeni Elman Abule.

Ky i fundit po hetohet nga SPAK së bashku me kryebashkiakun Veliaj, në kuadër të një hetimi që ka zgjatur rreth dy muaj.

 

 

Lexo gjithashtu

Video

Një festim goli u kthye në një moment të frikshëm për futbollistin brazilian Jacy Maranhão, gjatë ndeshjes mes Coritiba dhe Chapecoense në kampionatin brazilian. Mbrojtësi 29-vjeçar shënoi një gol në pjesën e parë dhe, në entuziazëm, vrapoi drejt tifozëve për ta festuar. Ai kapërceu barrierat reklamuese, por përfundoi duke rënë në një tunel të hapur që çonte drejt dhomave të zhveshjes së skuadrës kundërshtare. Maranhão u ngrit nga tuneli me ndihmën e stafit, por pësoi një dëmtim në kyçin e këmbës dhe u zëvendësua në pjesën e dytë. Ironia më e madhe ishte se goli që ai po festonte u anulua më vonë nga VAR-i për shkak të një faulli në aksion.

Reshjet e dendura të shiut dhe erërat e fuqishme të shkaktuara nga tajfuni “Dolphin” kanë shkaktuar situata të rrezikshme në provincën Zhejiang të Kinës. Një kamion u përmbys në një parkim si pasojë e erërave të forta. Pamjet e filmuara nga dëshmitarët tregojnë momentin kur mjeti ngrihet nga toka dhe përmbyset nga fuqia e erës. Tajfuni “Dolphin” solli paralajmërime për përmbytje dhe rrëshqitje dherash në disa zona. Sipas raportimeve, ai është cikloni tropikal më i fuqishëm që ka goditur Kinën këtë vit.

Një avion privat i tipit Hawker Beechcraft 400A është përplasur me një automjet shërbimi në aeroportin Milano-Linate, në Itali. Përplasja nuk shkaktoi të lënduar. Ngjarja solli disa vonesa në operimet e aeroportit, të cilat po rikthehen gradualisht në normalitet. Dy fluturime që po mbërrinin në Linate u devijuan drejt aeroporteve Orio al Serio dhe Milano-Malpensa.

Situata e zjarreve në zonën e Krujës është përshkallëzuar, ndërsa flakët në Fshatin Halilaj dhe në Krastë po afrohen drejt zonave të banuara. Zjarri rrezikon të zbresë në drejtim të Halilajt, duke kërcënuar disa banesa. Në fokus janë edhe linjat e tensionit të lartë pranë fshatit Halilaj, të cilat po mbahen nën kontroll për të shmangur çdo rrezik të mëtejshëm. Për shkak të terrenit të thepisur malor, ndërhyrja nga toka është e vështirë. Forcat në terren po punojnë edhe me mjete rrethanore, ndërsa gjatë ditës operacioni për shuarjen e zjarrit është mbështetur edhe nga ajri.

×
❮ ❯

opinion

Opinionet e shprehura i përkasin autorëve dhe nuk përfaqësojnë qendrimin e redaksisë.

Histori të harruara

Më shumë lajme