Gjykata e Posaçme shtyu për në datën 26 qershor shqyrtimin e kërkesës së Ilir Metës për zëvendësimin e masës së sigurisë “arrest me burg”.
Avokati Kujtim Cakrani tha se Meta po mbahet në burg pa prova, gjë që, sipas tij, është shqetësuese dhe përbën një inkuizicion. Ai deklaroi se një nga akuzat që lidhet me kontratat lobuese në SHBA ka rënë.
Sipas Cakranit, ish-presidenti Ilir Meta nuk ka asnjë pasuri dhe, për këtë arsye, nuk mund të ofrojë garanci pasurore për qëllim lirimi, por shtoi se është i gatshëm të vërë në dispozicion të gjykatës një prej pasurive të tij.
Mbrojtësi ligjor foli edhe për gjendjen e Ilir Metës në qeli. Sipas tij, ish-presidenti është në gjendje shumë të mirë, i është rikthyer palestrës pas përfundimit të "dënimit me urdhër të Ajatollahut", ku, siç duket, nënkupton kryeministrin Edi Rama.
Ndërkohë, SPAK në seancë paraqiti 31 faqe pretendime, duke përmendur edhe një episod të ri korrupsioni të Ilir Metës me një kartë bankare. Por avokati tha se nuk ka asnjë akuzë të tillë dhe ia faturoi këtë çështje ish-bashkëshortes së z. Meta, Monika Kryemadhi.
