Politika 18 Qershor 2025, 17:38 Nga VNA

Brettel: Shqipëria duhet të vijojë reformat në drejtësi dhe sundimin e ligjit, pavarësia e SPAK të mbrohet

Ndaje në Whatsapp
Brettel: Shqipëria duhet të vijojë reformat në drejtësi

 

 

Përfaqësuesja e Komisionit Europian, Sigrid Brettel, në një takim në Strasburg, theksoi rëndësinë që Shqipëria të vijojë reformat në sundimin e ligjit për të përmbushur standardet e kërkuara në kuadër të integrimit europian.

Ajo bëri të ditur se në shtator dhe tetor pritet miratimi i disa paketave të rëndësishme ligjore, përfshirë ato kundër korrupsionit, për konfliktin e interesit, drejtësinë, median dhe për përzgjedhjen e anëtarëve jo-magjistratë në KLGJ dhe KLP.

Brettel theksoi se reforma në drejtësi duhet të jetë e pakthyeshme dhe të konsolidohen arritjet e deritanishme, duke ruajtur veçanërisht pavarësinë e SPAK, institucion që ajo e cilësoi si më të besuarin në vend. Ajo nënvizoi gjithashtu nevojën për forcimin e zinxhirit të sundimit të ligjit duke përfshirë BKH-në, policinë dhe institucionet e tjera të drejtësisë.

Në lidhje me zgjedhjet, ajo përmendi pozitivisht votën e diasporës dhe bashkëpunimin midis SPAK, KQZ dhe Prokurorisë së Përgjithshme. Megjithatë, Brettel shprehu shqetësim për përdorimin e burimeve shtetërore nga partia në pushtet, duke iu referuar raportit të ODIHR dhe duke theksuar nevojën për zbatimin e rekomandimeve të tij. Ajo përfundoi se afatet për përmbushjen e detyrimeve janë ambicioze, por të arritshme me vullnet dhe angazhim nga të gjitha palët.

 

Video

"Fati" shpëton motorrisin, objekti fluturon mbi kokë Stuhia e sotme ka shkaktuar dëme të shumta! Në këtë video, pamjet shfaqin një aks rrugor ku një motorrist ka shpëtuar për mrekulli pas shkëputjes së një pjesë pecikllasi nga rruga. Fatmirësisht, ai ka dalë pa lëndime, edhe pse objekti ka rrezikuar seriozisht jetën e tij!

Mesditën e kësaj të shtune kryeqyteti është përfshirë nga moti i keq, me reshje të dendura shiu dhe erëra të forta. Stuhia e fuqishme ka shkaktuar dhe ndërprerjen e përkohshme të fluturimeve në Aeroportin Ndërkombëtar të Tiranës “Nënë Tereza”. Pista është përfshirë nga erë dhe shi i fortë, duke bërë të pamundur operimin normal të fluturimeve. https://www.vna.al/kronika/stuhia-ne-shqiperi-nderpriten-perkohesisht-fluturimet-ne-aeroportin-e-ri-i13864

Reshjet e dendura të shiut, të shoqëruara me erë të fortë, kanë bërë që dy turistë të mbeten të bllokuar në kodrat e Zvërnecit. Rreth orës 13:00 të ditës së sotme, për shkak të motit të keq, një pemë ka rënë duke bllokuar rrugën rurale të zonës, ndërsa reshjet kanë dëmtuar edhe segmentin per këmbësor. Çifti nga ukraina kërkoi ndihmën e forcave zjarrfikëse të Vlorës, të cilet jane duke shkuar për hapjen e rruges si dhe prerjen e pemës që kishte zënë rrugën dhe për t’i ndihmuar ata të largoheshin nga zona. Përveç makinës së turistëve, të bllokuara kishin mbetur edhe disa automjete të tjera.

Stuhia ka përfshirë të gjithë vendin. Në rrjetet sociale po qarkullojnë këto pamje nga Malësia e Tiranës, e cila është ‘pushtuar’ nga mjegulla.

Doni të informoheni të parët për lajme ekskluzive?

Bashkohuni me grupin tonë privat.

opinion

Opinionet e shprehura i përkasin autorëve dhe nuk përfaqësojnë qendrimin e redaksisë.

Histori të harruara

Më shumë lajme