Pas disa ditësh mungesë në media dhe në jetën politike, ish kryeministri Sali Berisha zhvilloi sot një konferencë me gazetarët në selinë e Partisë Demokratike.
Nga selia blu, Berisha bëri një denoncim të fortë duke deklaruar se deputeti Arkend Balla, sipas tij, më i votuari në Qarkun e Durrësit, me vota më shumë edhe se Rama është i lidhur me kartelin e Troplinit, në Portin e Durrësit. Ndaj dhe sipas Berishës, këto janë prova se si zgjedhjet e 11 Majit janë një farsë elektorale.
“Është bërë i njohur, përfaqësuesi i kartelit Troplini, kartelit më të madh të kokainës në Evropë pas spostimit nga vendet e tjera dhe zotërimit nga ky kartel të Portit të Durrësit”- tha Berisha.
Për kreun e PD, përfaqësuesi i këtij karteli dhe i Edi Ramës, Arkend Balla i parashikuar si ministër i Brendshëm, njeriu që mori 5200 vota më shumë se Rama në qarkun e Durrësit është i lidhur shpirt dhe xhep me këtë kartel”.
Berisha akuzon Ramën për amnistimin e strukturave dhe lidhjen e tyre me krimin e organizuar, duke theksuar se Arkend Balla ishte i punësuar në këto kompani, dhe një nga investitorët kryesorë të kartelit është edhe deputeti më i votuar.
Sipas kreut të selisë blu, disa kompani kyçe të kartelit, përfshirë TV kabllor Vlora Cable janë transferuar në pronësi të vëllait të një prej të arrestuarve Vexhi Danaj, dhe vazhdojnë aktivitetin pa ndërprerje.
Ai gjithashtu përmendi edhe kompaninë 2BU, e cila ka marrë leje ndërtimi për një strukturë polifunksionale në Radhimë dhe Gerard Chrome, me leje për nxjerrje minerali kromi në Klos, të cilat nuk janë vendosur në sekuestruar.
Më tej në deklaratë kreu i selisë blu tha se ekzistojnë dokumente të tij, Arkend Balla i cili pas largimit të një deputeti të PS u fut në Parlament ka deklaruar veten të punësuar vetëm në Universitetin e Durrësit. Por po të shihet me kujdes deklarata e pasurisë së tij shihet nga 1 qershori 2021 deri 5.8. 2023 famozi ka qenë i punësuar në kompanië Nisatel. Kjo është një ndër ortaket themelues ka Sidrit Danaj që sot zotëron 100% të aksioneve. Kjo kompani ofron shërbime interneti, telefoni. Për periudhën 2015-2025 kjo kompani ka përfituar nga institucionet shtetërore 900 mijë euro pagesa. Nisatel është një kompani që adresën primare e ka në Vlorë.
"Pas hulumtimeve është gjetur sesi Arkend Balla u përzgjodh nga kjo kompani për tu punësuar pranë saj".
