Absurdi në këtë vend nuk ka fund! Banorët përzihen me forcë në Theth, shteti promovon "Paketën e maleve". Në në kohë që banorët autoktonë prej më shumë se 500 vitesh përballen me fadroma dhe forca policore të armatosura që u shembin investimet jetësore, kryetari i Bashkisë Shkodër, Benet Beci, në rrjetin social Facebook shfaqet sot duke promovuar me entuziazëm “Paketën e Maleve”.
Një paketë e cila dyshohet se është një skemë për t’u marrë tokat atyre që i kanë përdorur brez pas brezi, pa certifikatë, por me të drejtë zakonore.
Mjafton të pretendosh se ke tokë diku në mal, të gjesh dy-tre dëshmitarë dhe me një vendim të këshillit bashkiak mund të përfitosh: investime publike, prona të reja dhe përjashtim nga taksat për 10 vjet.
Ndërkohë, vendasit që kanë jetuar, punuar dhe ndërtuar në këto troje jo vetëm që nuk përfitojnë, por përzihen dhunshëm nga pronat dhe investimet e tyre.
Panorama është e qartë qyshse sot. Ndaj me të drejtë lind pyetja: Kur banorët vendas përzihen nga Thethi, kush jenë "fatlumët" që do të investojnë?
