Forcat amerikane kanë neutralizuar një cisternë nafte që, sipas Komandës Qendrore të SHBA-së (CENTCOM), tentoi të thyente bllokadën detare të vendosur ndaj Iranit.
Sipas njoftimit të CENTCOM, cisterna M/T Lavine u neutralizua në Gjirin e Omanit pasi tentoi të shkelte bllokadën të paktën katër herë.
Zëdhënësi i CENTCOM, Tim Hawkins, deklaroi për Associated Press se ekuipazhi i anijes ishte paralajmëruar në mënyrë të përsëritur, por nuk iu bind urdhrave të forcave amerikane.
“Ekuipazhi u paralajmërua vazhdimisht, por nuk iu bind urdhrit. Si rezultat, forcat amerikane neutralizuan anijen duke goditur dhomën e motorit të saj”, tha Hawkins.
Ai nuk pranoi të konfirmojë raportimet e mediave iraniane, të cilat pretendojnë se dy persona humbën jetën gjatë operacionit.
