Kryeministri izraelit Benjamin Netanyahu do të zhvillojë javën e ardhshme një vizitë zyrtare në Shtetet e Bashkuara me ftesë të presidentit amerikan Donald Trump, ku pritet të zhvillojë një takim në Shtëpinë e Bardhë.
Sipas mediave izraelite, që citojnë një njoftim të zyrës së kryeministrit, Netanyahu do të niset drejt Uashingtonit të hënën, ndërsa takimi me Trump është planifikuar të zhvillohet të martën në Shtëpinë e Bardhë.
Gjatë qëndrimit në SHBA, kreu i qeverisë izraelite do të marrë pjesë edhe në ceremoninë mortore të senatorit amerikan Lindsey Graham.
Vizita vjen pasi Netanyahu kishte anuluar më herët udhëtimin e planifikuar drejt Uashingtonit. Më 16 korrik, zyra e tij njoftoi se ceremonia mortore ishte shtyrë për në fund të muajit, çka solli edhe ndryshimin e axhendës së kryeministrit izraelit.
Takimi mes Trump dhe Netanyahu pritet të zhvillohet në një moment delikat për rajonin, teksa konflikti me Iranin dhe zhvillimet e fundit në Lindjen e Mesme mbeten në qendër të vëmendjes ndërkombëtare.
