Pavarësisht pritshmërive të mëdha që shoqëruan yjet më të njohur të futbollit botëror, jo të gjithë arritën të lënë gjurmë në Kupën e Botës 2026. Mediumi amerikan Bleacher Report ka publikuar formacionin me 11 futbollistët që, sipas vlerësimit të tij, ishin zhgënjimet më të mëdha të turneut të zhvilluar në Shtetet e Bashkuara, Kanada dhe Meksikë.
Në portë është përzgjedhur Manuel Neuer, ndërsa mbrojtja përbëhet nga Reece James, Gabriel Magalhaes, Jonathan Tah dhe Lucas Digne. Në repartin e mesfushës janë përfshirë Federico Valverde, Vitinha, Noni Madueke dhe Leroy Sane, futbollistë nga të cilët pritej një kontribut shumë më i madh gjatë turneut.
Në sulm, Bleacher Report ka përzgjedhur talentin e Bregut të Fildishtë, Yan Diomande, si dhe Cristiano Ronaldon, i cili sipas mediumit nuk arriti të kishte ndikimin që pritej nga një prej emrave më të mëdhenj në historinë e futbollit.
Edhe në stol nuk mungon një emër i njohur. Si trajneri që zhgënjeu më shumë në Botërorin 2026 është zgjedhur Roberto Martinez, i cili drejtoi Portugalinë gjatë turneut dhe u largua nga posti pas përfundimit të kompeticionit.
Sipas Bleacher Report, ky formacion pasqyron diferencën mes pritshmërive të larta që kishin tifozët dhe ekspertët për këta futbollistë dhe paraqitjeve që ata shfaqën në fushë gjatë Kupës së Botës.
