FIFA ka publikuar formacionin më të mirë të Kupës së Botës 2026, të përzgjedhur përmes votave të tifozëve, ku Spanja kampione e botës është skuadra me më shumë përfaqësues.
Në 11 janë përfshirë tre futbollistë të “La Roja”: Pedro Porro, Marc Cucurella dhe Rodri, të cilët ishin ndër protagonistët e triumfit të Spanjës në Botëror.
Megjithatë, zgjedhja që ka ngjallur më shumë diskutime është ajo e portierit. Edhe pse Unai Simon u shpall fitues i çmimit “Doreza e Artë” dhe Spanja pësoi vetëm një gol gjatë gjithë turneut, tifozët votuan si portierin më të mirë Vozinhan e Kepit të Gjelbër.
Gardiani afrikan grumbulloi pothuajse 40 për qind të votave, duke lënë pas portierin e kampionëve të botës.
Një tjetër mungesë që ka tërhequr vëmendje është ajo e kapitenit të Anglisë, Harry Kane, i cili nuk arriti të siguronte një vend në formacionin ideal, pavarësisht paraqitjeve të tij gjatë turneut.
Në repartin ofensiv, tifozët zgjodhën tre nga emrat më të mëdhenj të futbollit botëror. Kylian Mbappe, Erling Haaland dhe Lionel Messi fituan secili mbi 20 për qind të votave, me sulmuesin francez që rezultoi më i votuari.
Formacioni më i mirë i Kupës së Botës 2026:
Portier: Vozinha (Kepi i Gjelbër)
Mbrojtës: Lisandro Martinez (Argjentinë), Dayot Upamecano (Francë), Marc Cucurella (Spanjë)
Mesfushorë: Rodri (Spanjë), Michael Olise (Francë), Jude Bellingham (Angli)
Sulmues: Kylian Mbappe (Francë), Erling Haaland (Norvegji), Lionel Messi (Argjentinë)
