Situata në Ngushticën e Hormuzit mbetet e tensionuar, ndërsa përshkallëzimi i krizës mes Shteteve të Bashkuara dhe Iranit vijon të ngrejë shqetësime për sigurinë rajonale dhe tregjet globale të energjisë.
Sipas raportimeve, një tanker nafte është goditur nga një predhë e paidentifikuar në një nga korridoret më të rëndësishme për transportin e naftës në botë. Nga incidenti nuk janë raportuar viktima.
Në të njëjtën kohë, presidenti amerikan Donald Trump ka autorizuar një sulm të ri ndaj Iranit, i cili, sipas një raportimi të Wall Street Journal, mund të ndërmerret gjatë kësaj fundjave.
Media amerikane thekson se vendimi vjen në një periudhë kur tensionet mes Uashingtonit dhe Teheranit kanë arritur një nivel të lartë.
Nga ana tjetër, autoritetet iraniane kanë paralajmëruar hakmarrje ndaj objektivave amerikane dhe izraelite, duke deklaruar se do t’i përgjigjen çdo sulmi të ri.
