Kryeministri Edi Rama ka vijuar komunikimin e tij në rrjetet sociale duke iu përgjigjur kritikave të qytetarëve. Në një nga komentet e fundit, ai ka theksuar se transformimi i Tiranës është meritë e tij, duke nënvizuar se udhëheqësit dallohen në përmbushjen e detyrës.
Në përgjigje të një komentuesi që pretendonte se ndryshimet në kryeqytet nuk janë meritë e tij, por pjesë e detyrës së qeverisjes, Rama ka deklaruar se nuk mund t’i mohohet puna e bërë dhe se qytetarët do ta mbështesin sërish në zgjedhjet e 11 majit.
Unë vërtetë nuk e kam ulur qiellin në tokë, Por Tiranën nga varri e kam ngritur dhe këtë nuk ma heq dot. Pse kur Tiranën e mori me dhunë këneta, ajo ngeci dhe as sahati nuk punonte? Apo ngaqë të gjithë jemi njësoj. Jo pra jo, nuk jemi njësoj, ndaj Shqipëria nuk është Kandahar dhe nuk jemi hiçgjëkundi njësoj që kur unë dhe PS kemi marrë besimin e popullit për ta ngritur në majë”, tha Rama.
Ai e ka cilësuar Tiranën një qytet europian, duke refuzuar debatet mbi ndërtimet në kryeqytet. “Debatit për betonin nuk i hyj hiç, është shterpë,” ka theksuar kryeministri.
