Sali Berisha ka zbuluar sot edhe armikun më të madh të SHBA. Sipas tij, armiku më i madh i brendshëm i amerikanëve është Antony Blinken. “Ishte kryediplomati i Amerikës dhe botës që kishte mbledhur 51 firma për të mashtruar kombin amerikan për djalin e presidentit amerikan. Ky njeri nuk pati integritetin as të jepte dorëheqjen,” – tha Berisha për Blinken.
“Zoti e shpëtoi Amerikën,” – shtoi kreu demokrat, sipas të cilit Edi Rama duhet të largohet menjëherë nga qeveria si mbështetës i Soros-it. Sali Berisha foli edhe për antimitingun e thirrur sot nga kryeministri në sheshin “Skënderbej”, duke e lidhur këtë ngjarje me 20 shkurtin, ditën e rrëzimit të bustit. “Do ju regjistroj emer per emer. Pjesëmarrja në atë miting përbën krim, krim elektoral dhe shtetëror, sepse ai ju thërret ju vetëm për të mbrojtur monumentin e tij të korrupsionit dhe drogë. Imagjinoni ju, mendon se në këtë mënyrë do ta kapërcejë, por tani ai është damkosur- deklaroi kryetari i PD në mbledhjen e sotme të kryesisë së partisë.
Kryetari Berisha renditi gjithashtu disa premtime të programit të PD pas ardhjes në pushtet.
