Pas paralajmërimit të mëparshëm për të mos iu afruar telefonit të tij, Kryeministri Edi Rama ka dhënë një tjetër mesazh të qartë për prokurorët.
Gjatë një komunikimi live me qytetarët në “Facebook” këtë mëngjes, Rama theksoi:
“Nuk mund të kthehemi në kohërat e errëta që kush merret në politikë të survejohet.”
Ai kërkoi ndalimin e kontrolleve në terren, duke shtuar se gabimet e sistemit të drejtësisë nuk janë të njëjta me ato të një ndërmarrjeje të zakonshme, por kanë pasoja të rënda për jetën e njerëzve dhe shoqërinë.
“Fatkeqësia është se gabimet e tyre nuk janë si gabimet e ndërmarrjes së gjelbërimit, por kushtojnë jetë njerëzish, trauma dhe plagë psikologjike nganjëherë të pariparueshme. Por nuk ka alternativë tjetër përveç një drejtësie të pavarur profesionale dhe që respekton integritetin, liritë e të drejtat e njeriut. Të pavarurën e kemi para syve, profesionalen duhet të luftojmë së bashku ta konsolidojmë, se ka shumë gjëra pozitive, por dhe negative.”
A do t’i dëgjojë prokuroria e posaçme “këshillat” e kryeministrit?
