Protestat kundër qeverisë janë shoqëruar me tensione edhe në Shkodër, ku një grup protestuesish kanë goditur me gurë selinë lokale të Partisë Socialiste, ndërsa kanë kërkuar dorëheqjen e kryeministrit Edi Rama.
Tubimi në qytetin verior vjen në një kohë kur protestat e studentëve, gjimnazistëve dhe qytetarëve kanë hyrë në ditën e katërt, duke u shtrirë përtej Tiranës dhe duke përfshirë qytete të tjera të vendit.
Gjatë protestës në Shkodër, pakënaqësia ndaj qeverisë është shprehur përmes thirrjeve për largimin e kryeministrit, ndërsa situata është tensionuar në momentin kur drejt godinës së Partisë Socialiste janë hedhur gurë.
Ndërkohë, mobilizimi i të rinjve dhe qytetarëve po vijon në disa qytete, me kërkesën për dorëheqjen e Edi Ramës si një nga thirrjet kryesore të protestuesve.
