Janë zbuluar detaje të tjera në lidhje me incidentin e ndodhur në takimin përmbyllës të fushatës së PD në Elbasan, ku simpatizantët e PD u përleshën me njëri-tjetrin.
Mësohet se i plagosur në kokë ka mbetur djali i Luçiano Boçit, ish-drejtuesit politik të PD-së në këtë qark.
Burime bëjnë me dije se i lënduar ka mbetur Parid Boçi, i cili ka marrë çarje në kokë gjatë sherrit, pa pasoja serioze. I riu mësohet se ndodhet ne Spitalin Rajonal te Elbasanit për mjekim.
Gjithshtu mësohet se një grup të rinjsh kishin vendosur të hidhnim fishekzjarrë ne tarracën e stadiumit, por roja nuk i kishte lënë të hynin.
Ndërsa po negociohej me drejtuesin e Elbasan Arena për të mundësuar hyrjen, ka ndodhur edhe përplasja me rojën e stadiumit.
Siç shihet në pamje janë të shumtë personat e përfshirë në sherr.
